Och dëst Joer hunn d’Schüler:innen vun der 1GSO zesumme mat hirem Konscht-Enseignant, dem Här Marinho, an de Bewunner souwéi de Responsabele vum “De Park” (CHNP) zu Ettelbréck de Projet „Art for all“ ëmgesat.

Am Kader vun dësem inklusive Projet hunn d'Schüler:innen an d'Bewunner wärend e puer Wochen a klenge Gruppen kreativ zesummegeschafft an hir Iddien a Konschtwierker ëmgesat. Dobäi si ganz flott a faarweg Wierker entstanen, déi sech mam Thema vun de Joreszäiten auserneesetzen. 

Den Ofschloss vum Projet gouf mat enger Ausstellung vun dëse Konschtwierker am NOSL gefeiert.