De Laurent an de Lex  hunn hiren laangjäregen Frënd an Triathlet, den Eric Wagner bei sengem verréckten Projet, den Tri de Luxe ënnerstëtzt.

Wat ass dat genee?

En Triathlon iwwert 3 Deeg. 35 km an der Musel schwammen, 315 km ronderëm eist Land mam Vëlo fueren an 85 km vum déifsten op den héchsten Punkt aus dem Land lafen.

Dëst alles fir den gudden Zweck, wou all d‘Recetten integral un Associatioun Île aux clowns gespent goufen.

Vu,  dass den Lex an den Laurent  den Vëlostour an d’Hand geholl hunn, duechten Si dass hir Schüler aktiv un esou engem Projet matmaachen kéinten.

D‘5P3 aus dem NOSL an den Cycle 3.1 aus der Dikrecher Primärschoul hunn Vëlostrikoten entworf.

Mir sinn immens stolz op hiert Resultat an si kennen houfreg op hier Kreativitéit sinn.